Chakloh apianga sawisel tur hre ve tak, Manchester United Manager Sir Alex Fergussion chuan
a ze ngai bawk a chhuah leh ta a. Nilai zana Champions League Quarter final second leg, Old
Trafford a khelhah Sir Alex hian Bayern Munich playerte chuan referee an hual tuau tuau reng
a, pressure nasa tak an pe a ni tiin, "German hnam zia a ni, Khatiang kha an nihdan chu ani,
hriatthiam an ngai ani" tiin ngeiawm tak in a sawi a ni.
Man Utd left back Rafael hnawchhuah changchangah Sir Alex chuan," Tawnhriat a neih tlem a
lang a ni, a tisual ngei a, mahse, hnawtchhuak turin munich playerte zawng zawng kha referee
bulah an tlan phei a ni" a ti.
Sir Alex chuan inkhel pahnih a an khelh that zawk thu leh chak ngei phu a a inhriat thu a
sawi a, "player 11 kan nih lai kha chuan tihngaihna vak min hre lo chu a nih kha, Kan
defence te an khel tha a, khatiang inkhelah kha chuan danglamna thlen tur chuan goal ropui a
ngai a, chu chu an thun ta a ni" tiin Dutch winger Arjen Robbena goal chu ropui a tih thu a
sawi bawk a ni.
Bayern Munich Boss Lous Van Gaal pawhin "Player 10 an nih avang khan a awlsam t a e tihna a
ni lo, game ropui tak kan khel a, Robbena goal kha a ropui tak zet a ni" a ti ve bawk
