Thlan thisen anga far hi thil theih a ni em???

He thil hi Doctor Luka, mi thiam tak mai leh thil chik mi tak maiin a

hmuh leh a ziak a ni.

Chanchin tha bute zingah,Luka chauh hi he thu, thlan thisena far thu
ziak tu hi a ni a. A chan chu Doctor a nih avang leh rilru lama thil
thlengin taksa a nghawng dan, mihring chunga thil thleng khat tak mai,
Lal Isua'n a rilru hah luat vanga a tawrh hi a hriatchian duh em vang
a ni. (Dr. Henry M. Morris, The Defenders Bible)

He thilthleng hi thil vang leh thleng khat tak mai ni mah se, Dr.
Frederick Zugibe-a, Chief medical Examiner of Rockland County, New
York ami chuan thil thleng fo thin leh awm fo tawh a nih thu a sawi
thung. Damdawi lam thiam mite chuan 'hematohidrosis' tiin a hming an
vuah a ni. Thlan be(Sweat gland) bulah hian thisen zam tam tak mai,
len ang maia in zam nuaih mai a awm a. Rilru hah(great strain) tak mai
kan tawrhin chu thisen zam chu alo sawng te a, hlauthawnna leh
mangannate chu alo reh chuan thisen zamte chu thawklehkhatah a lian
leh ta phut a, tichuan thisen chu thlan be(sweat gland)ah chuan a
luang lut a, rilru hah, manganna leh thlabarna te avanga thlan alo
tlak chuan thisen chu thlan angin thlan be(sweat gland) chuan a rawn
ti chuak ta thin a ni. thisen chu thisen fir/hlang nilovin, thlan tui
nen ala inpawlh tho thin a ni.